O obxectivo principal deste proxecto é potenciar a autonomía persoal e social das persoas con trastornos mentais dentro da comunidade a través da adquisición, mellora e mantemento das habilidades da vida diaria.
Para a posta en marcha deste proxecto necesitamos continuar coa reforma do piso, esta vez, céntrase en facer funcional a planta alta e dotar de material a planta baixa, para así poder realizar actividades nas dúas plantas nos horarios de mañá e tarde durante a semana e sábados, e tardes en días festivos.
Main features and goals of the crowdfunding campaign
O proxecto implica rematar as obras comezadas no interior da vivenda, neste caso, o que corresponde á planta de arriba, polo que as obras a realizar resúmense do seguinte xeito:
Accesibilidade:
- Instalación dun pasamáns para facilitar a utilización das escaleiras interiores.
Reforma:
- Baño e fontanería planta alta.
- Teitos y luminaria
- Carpintería metálica planta superior
- Pintura
- Axuda de albañilería
Equipamento e acondicionamento:
- Aspiradora
- Detector de gases e fumes.
- Ordenador
- Colchóns
- Armarios
- Sinalización e seguridade
A reforma, a nivel accesibilidade, seguridade e eficiencia, permitirá:
- Instalar internet e dotalo de ordenador e teléfono, para unha mellor atención dixital e unha máis doada comunicación coa contorna.
- Cartelería lumínica actualizada, para unha información perceptible.
- Iluminación segundo as normas de accesibilidade.
- Plan de emerxencia.
- Alarma de detección de incendios e gases.
- Sinalización de chanzos.
- Melloras para a discapacidade sensorial como redución do ruído exterior nas actividades coa nova carpintería.
- Mellora térmica coa revisión da calefacción e instalación dunha nova caldeira.
Este proxecto desenvolverá as súas actividades en dúas esferas da autonomía: a esfera privada (actividades básicas da vida diaria, autocuidado...) e a esfera pública (habilidades sociais, participación no barrio...). Desta forma, fomentaremos a independencia das persoas con trastornos mentais, facilitando o seu acceso ao mundo sociolaboral e reducindo tempos de coidado.
Coa reforma integral conseguimos o obxectivo perseguido de seguir levando a cabo o proxecto que fomenta a vida autónoma das persoas participantes con discapacidade e das súas familias, creando espazos agradables onde aprender, convivir e ter tempo de ocio. As familias tamén terán o seu espazo de ocio e alivio emocional sabendo que as persoas ás que coidan poden ter unha vida máis independente.
Why this is important
O 88% dos labores de coidado e atención a persoas con trastornos mentais é realizado por persoas do ámbito informal, é dicir, familia e amizades. Debido á carga mental, física e emocional que isto provoca, moitas persoas coidadoras acaban desenvolvendo tamén trastornos mentais.
Nove de cada dez persoas (90 %) coidadoras informais no ámbito da saúde mental demandan máis oportunidades de reunión para elas mesmas e máis apoio nos coidados; pero as axudas en dependencia en saúde mental tan só chegan ao 4% das persoas, deixando sen atención a parte da poboación afectada.
É por iso que este proxecto vai dirixido principalmente a persoas maiores de 18 anos cun trastorno mental diagnosticado, ás familias e á comunidade máis próxima. Fomentando a autonomía reduciremos parte da carga da persoa coidadora ademais de intervir de forma directa nas habilidades e capacidades das persoas con trastornos mentais.
Os nosos estatutos reflicten que un dos nosos fins é o de realizar con carácter habitual actuacións de integración de persoas con discapacidade, e, especialmente, para persoas con trastornos mentais. Por iso as nosas principais accións atenden a unha dobre intervención: promover a autonomía de persoas con enfermidade mental e reducir a dependencia destas á súa familia, producindo así unha mellora na calidade de vida de todo o círculo familiar.
Team and experience
Levamos traballando neste proxecto desde o ano 2010, aínda que as súas orixes foron diferentes a como entendemos agora o proxecto.
2010-2012: De unha e dúas semanas do verán alugábase un piso/casa fóra de Vigo e realizábanse actividades da vida diaria e a convivencia. Era algo parecido a unhas vacacións.
2012-2015: De unha e catro semanas no verán alugábase un piso/casa en Vigo e realizábanse actividades da vida diaria e convivencia. Asumiuse esta actividade como unha formación en habilidades básicas para vida autónoma.
2015-2019: De unha e cinco semanas de convivencia no verán, realizando o resto do ano actividades de cociña e limpeza. Enténdense estas actividades como unha aprendizaxe total.
2021-2022: Comeza a reforma interior do piso. Xa estreamos a cociña.
2022-2023: Rematada a cuberta, pódense desfrutar das actividades realizadas no piso. Acondicionando a pranta alta e engandindo o material necesario, o piso convertirase nun lugar idóneo para os/as participantes e as súas familias, creando espazos agradables onde aprender, convivir e ter tempo de ocio.
Detrás de Xaruma hai un equipo de profesionais do social e da educación con ampla experiencia en saúde mental e, sobre todo, con moita motivación por seguir desenvolvendo proxectos centrados na persoa.