Channel 
Contributing € 7
Colaboro!
Agradecemento personalizado na web do proxecto.
Desgravarías 5,6 € polo que o teu gasto real pode ser 1,4 €. Máis info: https://gl.goteo.org/calculadora-fiscal
> 06 Co-financiers
O Souto
23 | 10 | 2023
Na aldea de Progo hai un souto. En realidade hai varios, pero hai un lugar que se chama así: O Souto. Linda coas zonas da Besada, Chafaril e Cemiterio. Un deses microtopónimos que tanto abundan por todo o país, áreas nomeadas polos veciños para falar das leiras que teñen alí e que aparecen recollidas no catastro.
O Souto; un espazo dun par de hectáreas con leiras de 1000 metros cadrados aprox, onde hai... castiñeiros. Supoñemos que, en tempos, era o lugar destinado a iso, aos castiñeiros de todos, ao igual que o resto das leiras se adicaban ao millo, centeo, horta, patacas... a maioría delas xa abandonadas ou con castiñeiros, por ter algo.
No souto hai castiñeiros de todos os tamaños. Abundan os centenarios, claro está. Non son moi produtivos; de feito ás veces alguén corta algún ben porque secou ben porque algún madeireiro o mercou. Este ano un veciño cortou e arrincou toda a súa fileira, aínda non sabemos para que.
A nosa familia ten aí unha leira duns 150 metros de lonxitude por uns 12 metros de ancho. A anchura das leiras é a da sombra dos castiñeiros. Aínda así, no momento de apañar as castañas, non é o primeiro que se "confunde" e colle as que non lle corresponden.
A nosa leira do Souto vai ser intocable, deixala estar. Produzan ou non os castiñeiros as labouras que faremos neles serán mínimas, de mantemento. Porque entendemos que poden ser a reserva xenética da especie. E porque son fermosos, vaia.
Comments
Inicia sesión para dejar un comentario